БАРСЕЛОНА и КОСТА БРАВА 

€ 529 ⁰⁰

Барселона – кралицата на Каталонија, освојува на прв поглед. Град со прекрасна архитектура, град кој го воодушеви Пикасо, градот на Гауди, Хуан Миро, Колумбо, паељи, град на современиот дизајн, град на брегот на Средоземното Море, град кој го крие звукот на брановите и тајните на морнарите, град каде мирисот на морето Ве опива и заведува. Само еден ден, секако не е доволен да ја сфатите магичноста со која Ве мами оваа кралска убавица.

ПРОГРАМА НА ПАТУВАЊЕТО: 6 дена / 5 ноќевања
Барселона – кралицата на Каталонија, освојува уште на прв поглед. Град со прекрасна архитектура, град кој го воодушеви Пикасо, градот на Гауди, Хуан Миро, Колумбо, паељи, град на современиот дизајн, град на брегот на Средоземното Море, град кој го крие звукот на брановите и тајните на морнарите, град каде мирисот на морето Ве опива и заведува. Само еден ден, секако не е доволен да ја доживеете магичноста со која Ве мами оваа кралска убавица. Улицата Рамбла е најпознатата авенија не само во Барселона, туку и во цела Шпанија. Големиот Аквариум е втор по големина во Европа. Тука се и брдото Мон Жуик, катедралата Саграда Фамилија, стадионот Ноу Камп, Магичните фонтани.. Сите тие се само дел од најпознатите туристички атракции на оваа убавица, кои ќе допринесат Вашиот престој да се вреже длабоко во Вашите спомени.

21 октомври (Вторник) СКОПЈЕ – БАРСЕЛОНА
Состанок на групата на скопскиот аеродром во 16:50 часот. Лет за Барселона W6 4737 во 18:50ч. Пристигнување во Барселона во 21:40 часот. Трансфер до хотелот во Малграт де Мар. Превземање на собите и сместување. Ноќевање.

22 октомври (Среда)  БАРСЕЛОНА (панорамски разглед)
Појадок. Трансфер и панорамски разглед на градот со локален водич: Нурнете се во архитектонските бисери на Барселона. Доколку сакате да ја откриете Барселона преку делата на модернистичкиот архитект Антонио Гауди, започнете од импресивната Саграда Фамилија (не вклучува влез во базиликата), учејќи ја нејзината историја и симболика, восхитувајте се на сложениот екстериер исполнет со детали инспирирани од природата. Запознавајќи се со животот на Гауди и неговата приказна, навлегувајќи во неговата имагинација која е отсликана во “Каса Батљо“ ќе бидете воодушевени од мајсторскиот допир на архитектот низ целата оваа единствена резиденција „Каса Батљо“ каде живеело семејството Батљо. Разгледот продолжува до останатите знаменитости на Барселона, како што се најпознатата улица Рамблас која е жива улица во срцето на Барселона, дом на бројни атракции што ги пленат туристите и локалното население. Разгледот продолжува до Арко дел Триунфо, Ф.К. Барселона – Ноу Камп стадионот, Монжуик, „Мирадор де л'Алкалде“ или плоштадот „Пласа Каталуња“. Слободно време за индивидуални прошетки и активности. Враќање во Малград де Мар. Ноќевање.

23 октомври (Четврток)  МОНТСЕРАТ
Појадок. Слободен дан за индивидуални активност или можност за посета на планината Монтсерат. За многу посетители, патувањето до Монтсерат, е најважниот дел од нивната посета на Шпанија. На ова патување ќе ја откриете планината Монтсерат, извор на зборот Монтсерат е латински и каталонски, што значи „Назабена планина“. Ова име го опишува назабениот, пилестозабен изглед на планината, кој се карактеризира со нејзините уникатни врвови во облик на игла и карпести формации. Овие формации се обликувани во текот на милиони години преку природни процеси на ерозија, создавајќи драматичен и препознатлив пејзаж. Монтсерат е духовен центар на Каталонија и центар за поклонение за многу Каталонци. Природниот парк на планината Монсерат е уникатно вклопен во природната средина на овој регион, по своите димензии и форми кои се толку спектакуларни и карактеристични. Во оваа прекрасна авантура ја откриваме опатијата Монтсерат, бенедиктински манастир кој сè уште е населен денес. Целодневна екскурзија со придружба на локален водич. Враќање во хотел. Ноќевање.

24 октомври (Петок) ГИРОНА – ФИГЕРЕС
Појадок. Слободен дан за индивидуални активност или можност за посета на уметничките градови Гирона и Фигерас. Очекувајте ден исполнет со култура и уметност. Панорамски разглед на Гирона прекрасната катедрала, која има најширок готски наос во светот. Импресивниот еврејски кварт, фасцинантните мостови преку реката Оњар и Ла Рамбла де ла Либертат исто така ќе бидат видени. Заштедете време за истражување и шопинг. Но, патувањето до Гирона не би било комплетно без да се упатите кон Фигерес. Родното место на Салвадор Дали. Таму се наоѓа театарот и музејот посветен на надреалистот Салвадор Дали. Отворен е во 1974 година и содржи огромна колекција уметнички дела. Целодневна екскурзија со придружба на локален водич. Враќање во хотел. Ноќевање.

25 октомври (Сабота) БАРСЕЛОНА  (Сиутадела Парк, Побле Еспањол, Магичните Фонтани)
Појадок. Слободно време за индивидуални активности и прошетки низ Барселона или можност за прошетка со придружникот со јавен превоз низ паркот Сиутадела, кој е многу идиличен и веројатно најзелената оаза во Барселона. На територијата на Парк де ла Сиутадела има неколку атракции: зоолошката градина, Каталонскиот парламент. Музејот на модерна уметност се наоѓа во зградата на парламентот. Посетата на Побле Еспањол сместен многу близу до фонтаните Монжуик, ја открива различноста на Шпанија. Создаден од желбата да се концентрира душата на Шпанија во еден единствен простор. Денес, повеќето од неговите градби остануваат недопрени и се репродукции во размер на згради, плоштади и улици од различни региони на Шпанија. Шетајќи низ Побле Еспањол, ќе откриете занаетчии што можете да ги гледате во живо додека работат, како и да гледате дела од современа уметност од универзални личности како Дали, Пикасо, Миро о Гиноварт. Посета на магичните фонтани на брдото Монжуик кои се реновираат од Април 2025 и се очекува првото шоу да биде во Септември 2025. Ако сè оди според планот, Магичната фонтана повторно ќе биде централен дел од свеченостите на Мерсе, нудејќи спектакуларни прикази на светлина, музика и вода. Слободно време за индивидуални активности...Ноќевање.

26. Октомври (недела) БАРСЕЛОНА - СКОПЈЕ
Појадок. Слободно време за индивидуални активности и прошетки низ Коста Брава или Барселона. Трансфер до аеродромот во Барселона во 16:30ч. Лет за Скопје W6 4738 во 20:55ч. Пристигнување во Скопје во 23:40 часот.

ЦЕНА НА АРАНЖМАНОТ: 529€ (32.798МКД) – со вклучен 1 разглед

Во цената на аранжманот е вклучено:
- Авионски превоз на релација: Скопје – Барселона - Скопје (со Wizz Air) со вклучени аеродромски такси.
- Сместување во Малграт де Мар хотел 4* Hotel Alegria Maripins на база 5 ноќевања со појадок
https://www.alegria-hotels.com/es/hotel-alegria-maripins-en-barcelona/
- Панорамски разглед на градот Барселона со локален водич
- Рачна торба торба (20x40x30cm), до 10кг.
- Oрганизирани трансфери во Барселона до Малграт де Мар: аеродром - хотел - аеродром
- Организација на аранжманот и придружник на патувањето

Во цената на аранжманот не е вклучено:
- Здравствено - патничко осигурување
- Туристичка такса: Хотел 4* - 3-5€ по лице / ноќевање, се наплатува на рецепција.
- Wizz Priority со голема кабинска торба 55*40*23cm до 10кг
- Пријавен багаж до 20кг – информација во агенција
- Пријавен багаж до 32кг – информација во агенција
- Доплата за седишта еден до друг – информација во агенција
- Факултативна екскурзија Монтсерат со локален водич и приватен превоз - 90€
- Факултативна посета на Гирона и Фигерас со локален водич, приватен превоз и влезница - 95€
- Доплата за 1/1 соба (+95€)
- Попуст за трето лице во соба возрасен/дете (-55€)
- Билети за превоз со метро
- Влезници за културно-историските споменици

НАПОМЕНИ:
- За реализација на аранжманот, потребен е минимум од 20 патници
- За реализација на факултативните посети, потребен е минимум од 15 патници
- За овој аранжман важат Општите услови за патување на Т.А